Öflugur hópur ungs fólks starfar hjá okkur í vetur, þetta eru þau:

Þórdís Erla Gunnarsdóttir, sér um þjálfun og tamningu í Reykjavík auk Elínar Magnúsdóttur sem verður hennar hægri hönd.  Þær stöllur sjá einnig um hirðingu og umsjón með útflutningshrossum.  Í Grænhól ræður Fanney Valsdóttir ríkjum og nýtur þar aðstoðar verknemans John Kristinns Sigurjónssonar.  Þar temja þau af kappi.  

Auk þeirra er Þórunn og Kristbjörg Eyvindsdætur á skrifstofunni (fara einn og einn reiðtúr ef vel viðrar) og Gunnar Arnarson  er til skiptis í Reykjavík og fyrir austan á Grænhól til aðstoðar og leiðbeiningar sínu fólki, auk þess sem hann grípur í þjálfun.

Share

  

Ungu trippin á fjórða vetur voru tekin á hús í Október og unnið með þau fram til 20. Nóvember.  Svona létt undirbúningsvinna fyrir veturinn.  Þetta voru 12 hryssur og einn stóðhestur.  Þetta er í fyrrsta skiptið í sögu búsins sem svo myndarlegur hópur hryssna er tekinn á hús.  Trippin eru vaxtarmikil og hreyfa sig fallega.  Strax vakna miklar væntingar, í hópnum má meðal annars finna: Svás undan Sveiflu og Orra, Vár undan Vordísi og Spuna, Hrafnadís undan Gígju og Keili, Tíbrá undan Trú og Gára, Heru undan Hildi og Orra, Gáru undan Hrafntinnu og Gára, Frægð undan Fjöður og Orra, Garún undan Glettu og Sveini-Hervari, Sögn undan Spurningu og Orra, Ösp undan Ör og Gára, Glettingu undan Golu og Gára og stóðhestinn Kjarna undan Framtíð og Sveini-Hervari. Á myndinni hér fyrir ofan má sjá Heru frá Auðsholtshjáleigu alsystir Garps og Gaums.

Share