Munið þið þá tíða að notaðar voru rauðar hófhlífar, mikið er ég fegin að því var hætt.  Hér má sjá þá kappa Gunnar Arnarson, Anton Guðlaugsson og Magnús Hákonarson taka á móti verðlaunum fyrir kynbótahryssur á Hellu. 

Share

  

Þórdís Erla þóttist hafa uppgötvað af hverju mamma hennar fór út í hrossarækt þegar hún fann þessa mynd af mömmu með fyrsta hestinn í gömlu fjölskyldualbúmi. 

Þetta er auðvitað bara móðgun, hann var æðislegur.

Mynd tekin við Hábæ í Vestmannaeyjum/Þóra Þórðardóttir

Share

  

Það gustaði að þeim Dalvari frá Auðsholtshjáleigu og Erling í rokinu á Hellu í dag.  Á yfirlitssýningu hækkaði Dalvar úr 7,5 í 8,0 fyrir brokk og úr 9,0 í 9,5 fyrir vilja og geðslag.  Þeir félagar áttu frábæran dag, mikil útgeislun og hörku skeiðsprettur þar sem nían lá í loftinu.  Dalvar stendur nú efstur 6 vetra stóðhesta með aðaleinkunnina 8,58.

Dalvar frá Auðsholtshjáleigu/mynd Fjölnir

Share

  

Útflutingur hefur farið vel af stað fyrstu 5 mánuði þessa árs.  Nú þegar eru farin 749 hross frá landinu, en voru aðeins 390 á sama tíma í fyrra.  Haustin hafa oft reynst sterk hvað útflutning varðar og verður spennandi að sjá hvað árið gerir.  Oft hefur heimsmeistaramót haft jákvæð áhrif á hrossasölu og ætla má að komandi heimsmeistaramót verði lyftistöng nú sem áður.

Mynd: Spöng frá Auðsholtshjáleigu  

Share

  

Nú styttist óðum í Heimsmeistaramót, sefnt er á að hrossin fari utan 02.08.2007.  Þrátt fyrir að aðeins séu tæpir tveir mánuðir til stefnu er ekki nokkur leið að fá upp úr landsliðseinvaldinum hvaða hross eigi að fara, hann liggur á þessu eins og ormur á gulli.  Við höldum áfram að reyna og birtum ykkur fréttir um leið og við náum að pína hann til sagna. 

Share